文章分類: 媽咪仔日記 (米唐遊樂誌)

tO mY bElOVED mOR mOR

sugarblythe — Tue, 22 Jan 2008 00:34:17 +0800

TO 肥魔：

呢張相係我最近、亦都係最後同你影既合照！

今日收到動物傳心師QUEENIE既電話，
真係令我好心痛，但係咁多日以來既擔心總算有個交代，
雖然係好難過，希望你下次唔好再咁曳喇！

你可知道你永遠是爸爸的寵兒，佢晚晚都攬住你訓多過攬住我。
如今，無左你強行泊位訓係我地中間，睡魔不再降臨我地好難先訓得著呀！

你老婆MEME呢幾日無再等你門，相信佢亦都感覺到，再等你門你都唔會再返來......

我寧願你繼續做我家既大懶貓，只係食同訓就好.....如今再看不見你打餅，好難過......

以前，你好喜歡在抽油煙機個盒上面訓覺......

以後叫魔魔，都無人再會回應我一句......喵~~~~~~~~~~

無魔魔再做攝石貓..............

毛毛都會好掛住你......

動物傳心師QUEENIE話比我知，你係由屋企個窗口逃走出去，
佢同你溝通左大約一星期，起初聯絡你，
你比佢既SIGNAL係迷迷糊糊，自己都唔知自己已經去左，
到近呢幾日先至肯定知道自己已經走左........QUEENIE先至敢打比我...........
鄰居話最近有野狗咬死貓，好擔心你係其中一貓，
唔知係好彩定係唔好彩，係你自己唔小心碌左落山坡，
唉，你要知道，你永遠都唔夠隔離屋隻貓打，
點解你仲咁曳偷走出去？

真係麻煩晒QUEENIE，如果唔係我永遠都唔知你既下落，
因為你永遠唔會再返屋企............爸爸搵左你好多次，但係都唔見你...........

希望你永遠安息，下世唔好再做貓喇！
如果下世都係做貓的話，歡迎你返來媽咪度！
養你一年，寵你一生.............

from永遠愛您的媽咪上

媽咪仔日記。去左行MEGABOX未呀？

sugarblythe — Sun, 10 Jun 2007 06:37:18 +0800

呢個禮拜相信係爸爸最開心既日子，因為落足一個禮拜雨，佢就放足一個禮拜唔洗返工，所以我呢個禮拜都係陪佢無返鋪頭。星期五果日去MOM度食完飯，就去左MEGABOX行B&Q，B&Q就好似灣仔建材+豐澤+日本城+實惠+IKEA，D野又有平有貴，都OK！不過就唔可以同IKEA比既，IKEA都係主打賣傢俬，而B&Q就叫咩都有但又唔係樣樣精囉~個MEGABOX都係起到三尖八角，有D似懶豪坊咁，上CARPARK要上到八樓，轉到頭暈~不過宜家新開張就ANY PURCHASE就有三粒鐘FREE PARKING都算係咁~新屎坑喎~點都要去聞一聞~KAKA

2007太平清醮

sugarblythe — Sun, 27 May 2007 02:24:04 +0800

今年太平清醮好似無舊年咁好睇，同埋熱到死死下。

想睇晒咁多相就去相簿啦：
http://picasaweb.google.com.hk/blythehouse/2007

2007太平清醮lati篇

sugarblythe — Sun, 27 May 2007 01:01:01 +0800

星期四係佛誕，同上年一樣都係借左老闆兩隻豪華遊艇出海！
入長洲睇太平清醮，
出入都唔洗同人迫船真係好！
今年帶左3個baby去。幸雪係鋪頭所以無得去。

媽咪仔日記。今次真係捉虫喇！無lala買左個扭計骰....

sugarblythe — Sat, 26 May 2007 22:28:49 +0800

前幾日dl左隻ndsl既game，係個mon度玩扭計骰，好難控制。
尋日行過黃金，突然懷舊病發作，於是用左9蚊買左個唔好扭既扭計骰。呢個係一個(應該會係好多人都有既)心結，細個扭唔到，希望大個左再試，呢d IQ野真係唔岩我.......睇左一D教玩既網，都係唔明....咁又浪費左九個大洋！不過最搞笑既係，買果陣佢寫住VISTA通用= =

扭計骰呢家野，結果都係要再一次投降......真係唔衰攞來衰....

員工梳乎日

sugarblythe — Sat, 12 May 2007 13:22:18 +0800

今日因為三少又去打機打天光，三少奶嬲爆左，谷鬼氣夾左我上黃崗梳乎一番！就係上去沖涼同dup骨！爽！下星期再去...死喇上左癮tim！

世界真係細，臨走竟然撞到朋友ray，好彩無做咩姐！

媽咪仔日記。好耐未試過玩得咁開心

sugarblythe — Fri, 20 Apr 2007 04:34:39 +0800

四月果然係生日月！由上星期我生日到今日我另一半irene生日都過得好開心！我地今晚去左食泰國野加唱k直落，好耐都無par par下揸車返屋企~kakaka，放心，我手車ok，送晒大家返屋企我都好快就返到去，今晚好開心！哈哈~~~祝irene生日快樂，身體健康！^^

媽咪仔日記。拜託傳媒別再報導林娟的事情好嗎？

sugarblythe — Fri, 06 Apr 2007 22:59:39 +0800

岩岩先靜左一排，最近又話林娟又來香港！搞老豆既身後事！(唔係內地既傳媒贊助，佢地一早就將老豆留返政府搞掂，連捲埋丟落海都費事！)

林娟只怕終有一日，傳媒對佢再無興趣，無人再比錢呢兩母女，所以佢地日日都語不驚人誓不休，於是就keep住日日向住個鏡頭發花癲！

唔該你地啦！只不過係癲婆加一個過份慈母日日係度廢up！你地又要採訪！你地係錫華仔既就唔好再理果兩母女啦！你地係唔係想迫死華仔先至安樂呀？佢兩個都傻既，就算最後佢地見唔到華仔睇唔開跟埋佢老豆一齊去，你地又賴華仔？我日日睇報紙睇電視見到又係呢兩條友，我都覺得好困擾呀！何況身受其害既劉華？中國有十三億人，人人都話要搵華仔，咁佢咪好唔得閒？

林娟呀林娟，你聽日發夢會唔會夢見溫家寶？

媽咪仔日記。劉德華痴心fans

sugarblythe — Thu, 29 Mar 2007 04:27:34 +0800

好恐怖呀，世界上竟然有一個咁既家庭！本來想唔寫，但係睇完第一手真相真係忍無可忍！尤其係果條白痴婆！死老豆都面不改容！一日淨係顧住見華仔！個個都係咁，咁華仔咪好唔得閒？！我夠夢見過華仔拖住我隻手啦！咁又如何呀？！呢家人真係...無眼睇！！
都唔知華仔係唔係前世欠左佢兩個...洗晒d錢，累死左個老豆，仲留低老豆條屍唔理！哎呀~~~點解會有d咁既人架！真係想大巴大巴星死佢！

揚言不見面不走 (明報) 03月 29日星期四 05:10AM

【明報專訊】劉德華超級「狂迷」一家三口由甘肅千里「追星」搞出人命，自父親楊勤冀本周一蹈海自殺後，楊氏妻女的簽證昨日已到期，必須返回內地。昨早妻女仍堅持要完成楊勤冀遺願，雖然他們不辱罵劉德華，但仍揚言「不見華仔不會走」，在賓館退房後流落街頭，被來自中港台近30家傳媒簇擁採訪。到了傍晚，楊氏母女終被內地傳媒記者勸服，乘直通車回深圳再作打算，至於楊勤冀的遺體，她們則撒手不管，留給港府自行處理。

劉德華的經理公司發言人表示，楊勤冀出事之後，他們已派員提供協助及慰問，但楊氏母女的一些非正常的要求，他們不可能提供協助，發言人最後稱，楊氏母女現在要做的事，是返回家鄉重建新生活。

聲稱自16歲起迷戀劉德華14年的30歲女子楊麗娟，本月19 日與父親楊勤冀及母親陶菊英由蘭州來港，由於在本周日參加完「華仔天地」一個歌迷生日會後，不滿劉德華僅與她合照留念，其間沒有與她詳談，為此大感傷心。楊麗娟的父親楊勤冀周一跳海自殺，留下遺書指自己和妻子為償女兒的夢想，賣屋兼借貸度日，劉德華如此對待他女兒，令他非常憤怒，決意以死喚起劉德華對女兒的重視。

罵「無良心」指返鄉無家可歸

楊氏母女昨早9時許在灣仔馬師道國民大廈一間賓館退房後，帶覑行李呆坐大廈門外，記者上前採訪時，楊麗娟激動地罵劉德華「無良心、變態、不是人，連禽獸都不如」，不過，當問到為何仍要見這麼不堪的劉德華時，她就大發脾氣，說自己要見劉德華，只為完成父親遺願，不是她個人的事。

由於被大廈保安驅趕，楊氏母女在記者簇擁下，走至海底隧道入口前的一個公園歇息。現場所見，楊麗娟仍穿著前天的咖啡色長袖毛衣，頭髮油膩黏稠，神情憔悴，楊母同樣無精打采，蓬頭垢面。楊母表示，女兒十多年來最美好的青春，都為劉德華消耗掉，時光沒法倒流，這些來年所做的事可不能白費，一定要堅持到底，以完成丈夫遺願。她又稱，為了支持女兒「追星」的花費，蘭州老家的房子04年已賣掉，4萬多元已用光，現在回到蘭州也沒有地方可住，說時一臉愁容。

不願處理跳海父屍體

對於始終未能與劉德華詳談，楊麗娟突然說：「劉德華肯定以前受過很重的愛情創傷，要不然我們一家人付出那麼多，他怎麼可能沒有反應，他一定是要報復女性，報在我身上。」她又稱，父親死了以後，她本來也想跳海自殺，只是父親心願未了，不能一死了之。

昨日傍晚7時，即距離必須離港限期前的5小時，楊氏母女態度才告軟化，在內地傳媒記者苦勸下，她們決定先回到深圳再作打算，並在灣仔碼頭乘直通巴士往深圳皇崗。楊麗娟臨走前解釋﹕「如果現在不走，下次來的時候會更困難。」另一方面，楊氏母女不願處理楊勤冀的遺體，警方發言人表示，若屍體無人認領，會交食環署處理。食環署發言人則稱，對於無人認領的屍體，會按公眾醫院及殮房的指引辦事，將屍體運往公眾墳場火化及埋葬。

(閱讀全文)

九型人格

sugarblythe — Wed, 21 Mar 2007 04:04:33 +0800

好準呀！測左原來我係七號仔！真係準到爆！

活躍型的你，就是如此這般：樂觀、精力充沛、迷人、好動、貪新鮮、五時花六時變……「最緊要玩得開心」就是你的生活哲學！你們很需要生活有新鮮感，所以很不喜歡被束縛、被控制。你的活力是玩的活力，又跟第三型的成就型又有所不同，相信你們是活動攪手，玩極唔厭！

不耐煩、衝動、上癮
好玩、享樂主義行頭的活躍型，做事欠缺耐性，因為你們都很怕悶。不耐煩之餘，也很易衝動行事，因第七型的朋友做事鮮有周詳計劃，很講即慶，想做就去做！

但你們必須要小心，就算遇上一種玩意、興趣你十分喜歡，也得學習不要沉迷下去！始終要顧及自己的身體及其他事情啊！(我這樣說是因為第七型的人比其他型的人更上煙癮、毒癮、賭癮、或者打機癮等等等等，小心！)

心情highhigh時
他們是典型外向的人，會不斷尋求挑戰、新刺激。由於他們喜歡玩樂，又不斷擴闊自己的生活圈子，所以可說是「相識滿天下」。這類人與朋友的相交未必會很深入，因為他們走在一起是因為吃喝玩樂，所以他們會相約一齊玩，但心事的分享交流則未必很多。

情緒downdown時
由於活躍型的注意力都放在新奇好玩及刺激的事物上，他們普遍對身邊人的缺乏敏感度，對朋友之間的相知相交都流於膚淺，沒有興趣對自己和朋友內心的內心探求。
活躍型的朋友，你可能會發現，與你交識多年的朋友，也不太認識他的喜惡、想法。有這個情況嗎？想更多了解他們嗎？

朋友看你是
「百足咁多」、「好識得嘆」、「有他在的場合，會有很多笑聲」

提升有時努力努力
走向「五仔」，懂得自我克制，心思細密，會經過觀察和周詳的考慮才去作決定。

後退有時注意注意
就會像「一仔」一樣，人會變得專制，容易發怒，固執。

你想知自己係咩型嗎？
http://www.bt4u.com/calls/analysis/analysis4.jsp

我以後都唔會再去MK九龍老味食野！

sugarblythe — Tue, 13 Mar 2007 01:39:45 +0800

我以後都唔會去MK九龍老味食野！D態度差到爆！都唔知點做生意既！>_<

(閱讀全文)

南極冰架解體冰下世界露崢嶸,多種奇異生物首度曝光

sugarblythe — Tue, 27 Feb 2007 02:36:22 +0800

發現新魚魚！佢好靚仔呀！

路透華盛頓 電---科學家周日報告稱，隨著南極海岸一些地區冰層的融化，多種以前被覆蓋在冰層下的奇異生物也首度被發現，其中包括紡錘形的橙色海星、鰭成扇形的冰魚等。

在南極洲威德爾海，兩座總覆蓋面積達3,900平方哩(一萬平方公里)的巨大冰架解體，使外界得以首次窺探冰山下的野生生物。

這兩座冰架至少已存在5,000年，但在最近十幾年裡相繼解體。其中一座於12年前解體，另一座解體於2002年。

冰架的解體給了科學家一個難得的機會，使他們可以考察冰架下面的世界。此前，研究人員只能透過在冰上鑽孔的方式進行研究。

科學家對冰水下2,800英尺(850米)的深海進行了考察，發現通常棲息在深度是這裡三倍的生物，它們已經適應了海底的環境。

比如藍色的冰魚，它的背鰭長著硬棘，像扇子一樣。冰魚的血液中不含紅血球，這樣血液就變得更稀，可以更容易地輸送到全身，使體內能量能在低溫環境中保存。

還有「長腿」海星，有些海星的腿比一般的五條還要多。它們和冰魚生活在一起。科學家還觀察到成群的海參，也朝同一個方向移動。

科學家在聲明中說，在他們採集的數百個物種中，有15個外型類似蝦、可能是片腳類新物種，四種可能為新的刺細胞動物，這是和珊瑚、水母和海葵有關聯的有機體。

科學家將對這些物種進行研究，以確定它們是否確實為新物種。(完)

http://hk.news.yahoo.com/070226/3/22ck9.html

時代變喇！洗衫用洗衣液！用OS要用WEB OS

sugarblythe — Thu, 22 Feb 2007 00:57:24 +0800

喂！上次睇雜誌介紹既EYE OS，我岩岩清雜誌時再上去LOOK一LOOK，發覺都OK好用喎！只要你唔好將D公司機密UPLOAD上去，其實應該都幾好用架！起碼唔洗下下都返屋企先查到你寫低係電腦既小資料丫！介紹比大家！^^

去註冊一個新ACC就可以立即用：
http://eyeos.info

又或者你可以download成個程式落來，放係你自己用緊既web hosting，包保萬無一失啦！
http://eyeos.org

提早同大家拜年先~

sugarblythe — Sat, 17 Feb 2007 06:17:55 +0800

今日好開心，首先係訓到4點半先起身，之後去左行街街，買左好多新既底底！不過都係未買到新衫新鞋！之後約左大家meeting，小南過完年就返日本，所以今日要出來聚一聚，好開心咁反左一晚之後，大家都上左我鋪頭反！突然老公按門鐘呢！原來佢去左買禮物比我，因為情人節佢買唔切禮物！佢本來話比我知佢會買隻錶錶比我，點知佢今日拎住個gucci紙袋上來，原來係我前幾日話佢知我條電話繩斷左，所以佢買左條粉紅色既gucci電話繩比我！開心到暈！我都送左星星鑽石耳環比佢呢！之後我地同三少奶去左行花市，今年多左吹氣公仔少左毛公仔，我反而買少左無謂野，都係得個行字！不過都好開心呢！食埋野返屋企，已經四點幾！呵呵！睇埋紅衣手記大結局，宜家要去大掃除喇！

祝大家豬年豬事豬豬行大運！^^