細個時唔鐘意食燒肉，都係鐘意食叉燒多d，反而大個左先至會試試「所謂既新野」。食過旺角永合隆既燒肉後就愛上左食燒肉，不過燒肉要趁熱趁新鮮食，仲要空口食先至過癮，但係咁大盒次次都有剩，過左氣既燒肉就唔好食，掉左佢地又好浪費！咁點算呢？

不過以後好似我老公咁整就唔怕浪費，仲好好食tim！

有無試過買超市既袋裝方包？通常都會用膠袋裝住一袋方包，然後用一個方型中間有個窿既膠片夾住個開口，等佢唔好漏氣，同埋show個食用日期架呢？記唔記得呀？今次我地就要用果塊小小既膠片，不過食完先用，如果唔係d包就唔好食架啦！

今日因為三少又去打機打天光，三少奶嬲爆左，谷鬼氣夾左我上黃崗梳乎一番！就係上去沖涼同dup骨！爽！下星期再去...死喇上左癮tim！

世界真係細，臨走竟然撞到朋友ray，好彩無做咩姐！

尋日我隻狗東東生左十隻狗仔，早就責死左一隻，得返九隻。

今日返到去，有一隻走開左東東身邊，可能係咁幾個鐘無食奶，返到來就覺得佢好凍，成身都好凍。開始唔識自己食奶，死喇，佢開始奄奄一息。老公宜家用牛奶少少咁餵佢飲，又用風筒吹下佢，希望佢自己都可以勇敢d繼續活落去，不過都好似好難過呢一關。

人生真係無常。